Яңа пенсия формуласы

Бүгенге көндә картлык буенча хезмәт пенсиясенең күләме эш бирүчеләр хезмәт чорында күчереп баручы иминият кертемнәре күләменә бәйле. Ә хезмәт стажы пенсия күләменз йогынты ясамый. Хәзерге пенсия санау тәртибе халыкның экономик актив өлешенең - озак еллар актив эш тормышы алып барырга җыенучыларның мәнфәгатьләрен якламый. 

Пенсияне яңача формалаштыру хезмәт хакын да, гражданнарның соңрак пенсиягә чыгуын мотивлаштыруны да, иминият стажын да күздә тота. Гражданнарның пенсия капиталы балларда саналачак, ягъни шәхси пенсия коэффициентларында исәпкә алыначак. Пенсия билгеләгәндә элек тупланган баллар акчага әйләндереләчәк.

Пенсия хокукын балларда исәпләү гражданнарның пенсия капиталын нәтиҗәлерәк якларга мөмкинлек тудырачак. Билгеле, 2015 елдагы 1 сум 2037 елдагы 1 сумнан нык аерылачак, шуңа да баллның бәясе дәүләт тарафыннан билгеләнә һәм ел саен артачак. 

Яңа кагыйдәләр буенча гомуми билгеләнгән пенсия яшеннән узгач та эшләү файдалы булачак. Бу очракта һәр эшләгән ел өчен премияль коэффициент  саналачак. Ләкин бу чор ун елдан да артык булмаска тиеш. Мисал өчен, пенсия яше тулганнан соң өч ел үткәч пенсия билгеләтергә килгән кешегә фиксированный түләү - 19 %ка, ә иминият пенсиясе 24 %ка артачак. 

Пенсияне яңача санаганда стаж, армия хезмәте, бала карау, инвалид бала карау, 80 яшьтән узган кешене карау еллары да саналачак.