Референдумнар узды

29 июньдә Чирмешән муниципаль районының 17 авыл җирлегендә гражданнардан үзсалым җыю һәм аны файдалану мәсьәләсе буенча референдумнар узды. 

Иртәнге 7 сәгатьтә сайлаучылар өчен 33 сайлау участогы үз ишекләрен ачты. Бюллетеньдә бер сорау бирелгән иде - "Сез 2014 елда билгеле күләмдә (һәр авыл җирлегендә аерым сумма) үзсалым җыю һәм аны җирле мәсьәләләрне хәл итүгә файдалануга ризамы?". 

Җыелган акчалар гомуми кулланыштагы юлларны төзекләндерүгә һәм хезмәтләндерүгә, су белән тәэмин итүгә, зиратларны төзекләндерүгә, чишмәләрне чистартуга, урамнарны яктыртуга һ.б.ларга тотылачак. Әгәр дә халык үзсалым җыю белән килешә икән, хөкүмәт әлеге суммага дүрт тапкыр күбрәк акча өсти.