Чирмешән муниципаль районы

Балигъ булмаганнар эшләре һәм аларның хокукларын яклау буенча комиссия утырышы

2014 елның 1 августы, җомга

2014 елның 29 июлендә Чирмешән муниципаль районының балигъ булмаганнар эшләре һәм аларның хокукларын яклау буенча комиссия утырышы булып узды. Көн тәртибендә ике мәсьәлә каралды:

1. Балаларның җәйге ялын оештыру;

2. Россия ЭЭМның "Чирмешән" муниципальара бүлегенең ПДНның 2014 елның беренче яртыеллыгы эшчәнлеге нәтиҗәләре турында мәгълүматлар.

Комиссиянең утырышын Балигъ булмаганнар эшләре һәм аларның хокукларын яклау буенча комиссия рәисе Р.Ш.Долгополова алып барды.

Утырышта 7 административ эш һәм 1 гариза каралды. Административ эшләр буенча 4 кисәтү ясалды һәм барлыгы 1500 сумлык штраф салынды. 1 вәкаләтле затка карата представление әзерләү турында карар чыгарылды.

Балаларның ялын оештыру мәсьәләсе буенча "Мәктәптән тыш эшләр үзәге" МБОУ ДО директоры Ф.Ш.Гилязетдинова чыгыш ясады. Бүгенге көнгә районда 14 мәктәп яны лагерында 583 бала ял иткән, 3 ял һәм хезмәт лагерында 65 бала булган. Мәктәп яны лагерьларында күп балалы, аз тәэмин ителгән һәм авыр сициаль хәлдә калган гаиләләрдә яшәүче балалар ял иткән.

Бакиров В.И.: "Кояшлы сәламәтләндерү лагерында ике сменада 94 бала ял иткән, 26 июль көнне биредә өченче смена башланды, хәзер "Кояшлы"да 50 бала ял итә. Өченче сменада 30 бала булыр дип көтелә. Булгар шәһәрендәге палаталы лагерьда 8 бала ял итеп кайтты".

Әхмәдуллина Р.С.: "Халыкны социаль яклау бүлеге ярдәме белән 25 бала - "Жемчужина" санаториясендә сәламәтлекләрен ныгытты. "Раздолье" санаториясенә 15 баланы, "Вита"га 15 баланы, Губин исемендәге лагерьга 5 баланы ялга җибәрү планлаштырыла.

Макарова Е.С.: "Район буенча барлыгы 776 бала ял иткән.

Көн тәртибендәге икенче мәсьәлә буенча ПДН инспекторы Г.Х.Хәмитова чыгыш ясады. ПДН эшчәнлеге нәтиҗәләре буларак 2014 елның беренче яртысында 12 яшүсмер профилактик исәптә тора. Аларны офицерлар шефлыкка алган.

Шул чорда 6 яшүсмер исәпкә куелган, 7се исәптән төшерелгән.

БАРЛЫК ЯҢАЛЫКЛАРНЫ УКУ