Укытучылар көне

Укытучылар көненә багышлап район мәдәният йортында оештырылган тантаналы чарада районның иң яхшы укытучылары, тәрбиячеләре һәм педагогик хезмәт ветераннары катнашты. 

Лашман урта мәктәбенең башлангыч сыйныфлар укытучысы Кадрия Динмөхәммәтова һәм 2 нче Чирмешән урта мәктәбенең математика укытучысы Наталья Плотникова РФ Мәгариф һәм фән министрлыгының Мактау грамоталары белән бүләкләнделәр, чакырылган кунаклар арасында күп кенә педагоглар да Мактау грамоталарына һәм истәлек бүләкләренә лаек булдылар. 

Хөрмәтле педагогларыбызның барысын да бәйрәм белән котлап, аларның иҗади һәм фидакарь хезмәтләре өчен зур рәхмәт белдерәбез. Сез яшь буынга лаеклы тәрбия һәм белем биреп Республикабызның киләчәктә дә чәчәк атуына зур өлеш кертәсез. Сәламәтлек, бәхет, зур уңышлар һәм күңел күтәренкелеге юлдаш булсын сезгә.