Кирпеч заводы поселогының Полевой урамында халык җыены узды

Әлеге җыенда район җитәкчесе Фердинат Дәүләтшин, район башлыгы урынбасары Миләүшә Батыршина, район оешмалары һәм хезмәтләре җитәкчеләре катнаштылар. Полевой урамында яшәүчеләр район җитәкчелегенә яңа асфальтланган юл өчен рәхмәт белдерделәр. Биредә шулай ук кибет булмау, балаларны 1 нче Чирмешән мәктәбенә укырга йөртү өчен машина, электр һәм су белән тәэмин итү мәсьәләләре дә күтәрелде.