“Туган як җәүһәрләре” район фестивале Түбән Чегодайда.

     21 нче февраль көнне Түбән Чегодай авылы мәдәният йортында, Чирмешән җирлегенә кергән Казанка һәм Түбән Чегодай авылы үзешчәннәренең, Чирмешәннең 285 еллык юбилеена багышланган смотр-концерты узды. Коллективлар быел аеруча тырышып, бик матур һәм эчтәлекле концерт күрсәттеләр. Җырлар, биюләр һәм нәфис сүз осталарының чыгышлары бер-берсе белән үрелеп барды. Концертта җирле үзидарә башлыгы Светлана Ганиева үзе дә катнашып, матур җырлар бүләк итте. Тамашачы аларның чыгышларын көчле алкышларга күмде.