Авыл җирлекләрендә - Сабантуй

2022 елның 14 июне, сишәмбе

12 июнь көнне Чирмешән районының күп кенә авыл җирлекләрендә Сабантуй бәйрәме узды.

Бәйрәмне үткәрү урыннарында сәүдә рәтләре чатырлары, төрле күргәзмәләр кунакларны җәлеп итте, ә балалар өчен төрле аттракционнар эшләде.

Мәйданда күңелле булды, анда күпләр көч сынашты. Һәркем өлгер булырга тырышты.

Сабантуйның төп спорт төре - милли көрәш. Көрәш келәменә 70, 80, 90 һәм 90 кг. га кадәр һәм 90 кг. нан авырлык категорияләрендә чыктылар.

Кунаклар һәм тамашачылар традицион ярышлар белән мавыккан вакытта сәхнәдә музыка тынмады. Бәйрәм концертында район артистлары һәм иҗат коллективлары катнашты.

Сабантуй күңелле, киң колач белән узды.