"Күңелле җәй" күңел ачу программасы

2022 елның 30 июне, пәнҗешәмбе

Кичә, 29 июньдә районда балалар өчен күңел ачу программасы ачылды, ул яшьләр мәйданчыгыннан старт алды.

Район мәдәният йорты хезмәткәрләре оештырган уен программасы бик күп актив балалар җыйды,  тамашачылар да җитәрлек булды.

Программада бик күп күңелле уеннар, ярышлар, квестлар, асфальтта рәсем ясау булды. Балалар вакытны күңелле  уздырдылар, яңа дуслар да таптылар, татлы ризыклар да алдылар. Һәм, әлбәттә, бәйрәм күңелле флешмоб белән тәмамланды!

Күңел ачу чаралары август ахырына кадәр дәвам итәчәк, алар һәр чәршәмбе көнне район үзәгенең төрле ачык мәйданчыкларында узачак.