"Мәктәпкә җыенырга ярдәм ит" республика хәйрия акциясе кысаларында мәдәният бүлегенең "Күңелле автобус" проекты старт алды

2022 елның 11 августы, пәнҗешәмбе

11 августта "Мәктәпкә җыенырга ярдәм ит" республика хәйрия акциясе кысаларында мәдәният бүлегенең "Күңелле автобус" проекты старт алды. Балалар өчен район мәдәният йорты, китапханә, музейлар һәм балалар сәнгать мәктәбе хезмәткәрләре тарафыннан тематик тукталышлар оештырылды. Анда төрле кызыклы конкурслар, уеннар һәм биюләр дә бар. Бәйрәм ахырында юлбарыс һәм песи курчаклары белән күңелле фотосессия оештырылды. Балалар бәйрәмнән канәгать калдылар, яхшы кәеф белән таралыштылар.