Мәктәп яны участокларында эшне оештыру буенча мәктәп җитәкчеләренең август семинарлары

2022 елның 12 августы, җомга

Ел саен август аенда мәктәп яны участокларында эшне оештыру буенча мәктәп җитәкчеләренең зона семинарлары үткәрелә. Мәктәп директорлары хезмәттәшләре белән эш тәҗрибәсен уртаклашалар, яшелчә һәм җиләк-җимешләрдән җыелган уңыш, компотлар, кайнатмалар ясау нәтиҗәләрен күрсәтәләр. Быел яхшы уңыш үстерелде. Семинарлар Иске Кади урта мәктәбендә, Түбән Кәминкә мәктәбендә, Ивашкино урта мәктәбендә үтте. Семинарларны үткәрү график нигезендә дәвам итәчәк.