Балалар сәнгать мәктәбендә карлы Яңа ел могҗизасы

2025 елның 26 декабре, җомга

Балалар сәнгать мәктәбендә Яңа ел музыкасы тылсымы!

25 декабрьдә «Карлы Яңа ел могҗизасы» Яңа ел концерты узды. Безнең сәнгать мәктәбенә әкияти геройлары Баба-яга, Леди Гринч, Кар королевасы, Чегән кызы һәм, әлбәттә инде, Кыш бабай белән Кар кызы килде.

Программа сюрпризлар белән тулы иде. Музыка, җылылык һәм могҗиза көтү белән тулган кичә  онытылмаслык тәэсирләр калдырды.

Киләсе ел Сезгә шатлык, илһам һәм яңа иҗади казанышлар китерсен! Яңа ел белән!