Чирмешән өлкәннәр һәм инвалидлар йорт-интернатында ансамбль оештырылды

Өлкәннәр һәм инвалидлар йорт-интернатында иҗади, сәнгатьне яратучылар яши. Кайберләре хәтта музыкаль уен коралларында да уйныйлар. Шул сәбәпле йорт-интернат җитәкчелеге үз ансамблебезне булдыруны максат итеп куйды. Грант акчаларына синтезатор, гитара, барабан, кубыз, авыз гармуны, курай, микрофон сатып алу да шул ниятне тормышка ашыру максатыннан эшләнде. 

Хәзер биредә яшәүчеләр барысы да төрле уен коралларында уйнарга өйрәнә.