Чирмешән районы имам-хатыйбы алкоголизм проблемасы буенча түгәрәк өстәлдә катнашты

2015 елның 5 июне, җомга
Әлеге чарада район үзәк больницасы, мәгариф бүлеге, социаль яклау бүлеге, яшьләр эшләре һәм спорт бүлеге, полиция бүлеге вәкилләре катнашты. Чирмешән мәчете имам-хатыйбы Хабир хәзрәт Ханов бу чиргә карата үз мөнәсәбәтен белдерде:
- Иң әүвәл кешеләрнең аракыга карата мөнәсәбәтен үзгәртергә кирәк.  50нче елларга кадәр алкоголь – наркотик дип санала иде, ә бүген ул – азык – төлек продукты. Менә каян башларга кирәк. Бүген без шампан шәрабе эчәбез, ә балалар өчен “Детское шампанское” уйлап чыгарганнар. Димәк, без сабыйларны балачактан ук эчкечелек нормаль күренеш дип күндерәбез. Соңгы вакытта чирле балалар күп туа дип, чаң кагалар, Ә каян килеп исән булсыннар алар?! Хатын – кызлар эчә башласа, дәүләтнең киләчәге юк, дигән сүз. Тиздән рамазан ае башлана. Узган елларны  кайбер авыллардагы кибетләргә шул вакытта спиртлы эчемлекләр сатудан тыелып торуны сорадык. Бер авылда  – Кара Чишмәдә генә моңа каршы килмәделәр. Коръәндә дә, Библиядә дә хәмер эчәргә рәхсәт ителми. Соңгы вакытта дәүләт тә бу проблемага йөз белән борылды. Бәлки ниндидер үзгәрешләр булыр.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Район турында
Норматив документлар
Дәүләти һәм муниципаль хезмәт күрсәтү
Ришвәтчелеккә каршы көрәш
Телефон: (84396) 2-59-00
Факс: (84396) 2-59-00
E-Mail: cheremshan@tatar.ru
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International