Атналык планеркада

Бүген, 2015 елның 9 июнендә Чирмешән муниципаль районы Башкарма комитеты җитәкчесе Фердинат Дәүләтшин учреждениеләр, оешмалар җитәкчеләре һәм авыл җирлекләре башлыклары белән планерка үткәрде.

Район җитәкчесе тантаналы һәм күңелле итеп Сабантуй бәйрәмен оештыручыларга рәхмәт белдерде, мәйданга бара торган территорияне ял паркы итеп төзекләндерү турында хәбәр итте.

Бүләкләү тантанасында күпьеллык фидакарь хезмәтләре өчен Ульяновка мәктәбе директоры Николай Иванов һәм Лашман урта мәктәбе физкультура укытучысы Фаиз Биляловка район Башлыгының Мактау Грамоталары тапшырылды.

Татарстан Республикасы Министрлар Кабинеты тарафыннан Бөек Җиңүнең 70 еллыгы уңаеннан игълан ителгән конкурсның "Иң яхшы бизәлгән район" номинациясендә Чирмешән муниципаль районы беренче урынга лаек булды. Планеркада Фердинат Мидхәтович әлеге чараны оештыручыларга акчалата премияләр тапшырды.