Малларны ясалма орлыкландыру пунктлары эшли

Районда әлеге программа 2015 елның январеннан бирле киң җәелдерелде. Хәзер малларны ясалма орлыкландыру пункты һәр авыл җирлегендә бар һәм алар һәркайсы эшли. Селекция - нәсел хезмәте начальнигы Расих Шәфыйков сүзләренә караганда,  халык әле бу эшкә зур ышаныч белдерми, ләкин хәл алга таба үзгәрәчәк. 

Агымдагы елның 5 аенда шәхси сектордагы 1600 сыерның 300е ясалма орлыкландырылган. "Камалов Р.А." крестьян-фермер хуҗалыгында бу эшкә зур игътибар бирелә, ясалма орлыкландыру "Чирмешән АГРО" җәмгыятендә дә торгызылды.

Малларны ясалма орлыкландыруның уңай яклары бик күп, бу очракта ит-сөт токымлы эре бозаулар туачак, алар тизрәк үсә һәм төрле чирләргә азрак бирешә.