Чирмешән районы прокуратурасы закон бозуны ачыклады

Чирмешән районы прокуратурасы "Үтәмеш" ҖЧҖендә хезмәт хакыннан балигъ булмаган балаларга алимент түләүдә закон бозулар булуын ачыклады. 

Тикшерү барышында бер хезмәткәрдән ике баласына эш хакыннан 1/3 өлеше күләмендә алимент тотып калыну ачыкланды. 2014 елның декабреннән 2015 елның апреленә кадәр аның хезмәт хакыннан 9 мең сумнан күбрәк акча тотып калынса да, җәмгыять бу акчаларны әлеге хезмәткәрнең гаиләсенә күчермәгән. 

Тикшерү нәтиҗәләре буенча прокуратура РФ Административ хокук бозулар кодексының 17.14 маддәсе 3 өлеше буенча административ эш башлады. Гаеплеләр закон алдында җавап тотачак.