Чирмешән муниципаль районы

Чирмешәндә 22 июнь көнне митинг уздырылды

2015 елның 22 июне, дүшәмбе

Сугыш башланган 22 июньдә – Хәтер һәм кайгы көнендә чирмешәнлеләр әлеге, 1418 көнгә сузылган сугышта корбан булганнарны бер минут тын калып искә алдылар.

Чирмешәндәге мәңгелек ут мәйданы каршында йөзләгән кеше җыелды.

-Сугыш турында халык хәтере мәңгелек 1941 елның 22 июне беркайчан да кабатланмасын, дөньяда һәрвакыт тынычлык булсын иде, - диде район җитәкчесе Фердинат Дәүләтшин, митингта чыгышында.

8534 чирмешәнленең, миллионнарча Совет кешесенең гомерен өзгән Бөек Ватан сугышы китергән кайгы-хәсрәт, югалтулар хакында башка кайберәүләр дә сөйләде. Аннары Мәңгелек ут, Азатлык сугышчысы - билгесез солдат һәйкәле түренә веноклар куйдылар, чәчәкләр салдылар.

Митингта җитәкчеләр, оешмалар вәкилләре, кадетлар, мәктәп укучылары катнашты.

Кадыйр Гомәров.

http://www.nashcheremshan.ru/

Оценить материал и/или оставить мнение

ВИДЕОРЕПОРТАЖНЫ КАРАУ ВИДЕОРЕПОРТАЖ ФОТОРЕПОРТАЖНЫ КАРАУ Фоторепортаж

БАРЛЫК ЯҢАЛЫКЛАРНЫ УКУ