Торак-коммуналь хуҗалык эшчәнлеге халыкның тормыш дәрәҗәсен яхшыртуда зур роль уйный. Бүгенге көндә Чирмешән районы Коммуналь челтәрләре искергән су челтәрләрен төзекләндерү белән мәшгуль. 2015-2016 елның ягу сезонына да әзерлек бара.
Июнь-июль айларында Чирмешәннең Канаш, Ярминкә тыкрыгы, Титов, Совет, Төньяк һәм Татарстан урамнарында - барлыгы 1,5 км аралыкта искергән суүткәргечләр яңартылды.
Хөрмәтле чирмешәнлеләр, өйдәге краннан җеп калынлыгында гына су агып торса да, көн саен 840 литр су әрәм була. Суга сакчыл карарга өйрәник!