Әлмәт шәһәренең "Арлекино" театр студиясе  "Кызыл Калфакның яңа маҗаралары" спектаклен күрсәтте

Мөмкинлеге чиклеләр өчен чаралар программасы кысаларында 2016 елның 17 декабрендә район мәдәният йортында Әлмәт шәһәренең "Арлекино" театр студиясе  "Кызыл Калфакның яңа маҗаралары" спектаклен күрсәтте. 

Район мәдәният йортына әти-әниләре белән мөмкинлеге чикле балалар,  тәрбиягә алынган һәм күп балалы гаиләдә тәрбияләнүче балалар чакырылды. Балаларга да, әти-әниләргә дә бик күңелле булды, барлык тамашачыларга да тәм-томнар таратылды, туган көннәрен билгеләп үтүчеләргә котлаулар ирештерделәр һәм бүләкләр тапшырдылар.

Тамаша һәм бүләкләр иганәче - Газыймов Илназ Фәраш улы хисабына оештырылды.