2018 елның 24 сентябреннән 30 сентябренә кадәр Чирмешән районындагы оператив хәлнең торышы

24 сентябрьдән 30 сентябрьгә кадәр Чирмешән полиция бүлекчәсенә 39 хәбәр кергән.

Участок инспекторлары һәм башка хезмәтләр тарафыннан 3 кешегә карата административ беркетмә төзелгән.

Дүрт юл-транспорт һәлакәте теркәлгән: берсендә зыян күрүче бар, өчесе - матди зыян белән.

Юл хәрәкәте кагыйдәләрен бозган 92 кеше ачыкланган, 2се автомобиль белән аек булмаган килеш идарә иткән.

Билгесез кешеләр Чирмешән икмәк комбинаты бухгалтериясенең ишеген ватып, ике компьютер, принтер, монитор һәм факс урлап чыкканнар. Матди зыян 100 мең сумнан да артыграк.

“Митяев” крестьян-фермер хуҗалыгы складыннан авыл хуҗалыгы техникаларының запас частьләрен һәм 100 литрга якын дизель ягулы урланган.

Ивашкино кешесенә авылдашын кыйнаган өчен җавап бирергә туры киләчәк.