Чыгарылыш сыйныф укучыларына зур бәйрәм

21 июнь көнне район мәдәният йортында 11 сыйныфны тәмамлаучы мәктәп укучыларына  район җитәкчеләре, укытучылар, әти-әниләр катнашында зур бәйрәм оештырдылар.
 Агымдагы елда район  мәктәпләрен 163 укучы тәмамлады. Шуларның 1се - алтын, 7ы көмеш медаль ияләре. Талантлы кеше бөтен өлкәдә дә талантлы диләр. Тормышларының беренче этабын уңышлы башлап җибәргән сәләтле, акыллы, тырыш бу егет-кызлар, чын мәгънәсендә, республикабыз, илебезнең киләчәге.
Район башлыгы Нурхамәт Нурулла улы Хәмидуллин  чыгарылыш сыйныф укучыларына тәбрикләү сүзләре җиткерде, киләчәктә үз һөнәрләренең  чын осталары, чын кешеләр булуларын теләде.Шулай ук, район башлыгы урынбасары М.Т.Батыршина һәм район мәгариф бүлеге җитәкчесе Х.Ш.Хәкимов чыгарылыш сыйныф укучыларына үгет-нәсихәтләрен юлладылар.
Район башлыгы һәм мәгариф бүлеге җитәкчесе иң алдынгы укучыларга  алтын һәм көмеш медальләр тапшырдылар.
Район һәм мәктәп тормышында актив катнашкан, сәнгать, спорт тармагында дәрәҗәле урыннар яулаган укучыларга мәгариф, мәдәният , яшьләр һәм спорт бүлеге җитәкчеләре  почет грамоталары тапшырдылар.