Балага айлык пособие һәм пенсионерларга юл йөрү өчен айлык акчалата түләү билгеләгәндә, керемнәрдән тыш, аларның милек белән тәэмин ителеш дәрәҗәсе дә исәпкә алыначак
Балага айлык пособие һәм пенсионерларга юл йөрү өчен айлык акчалата түләү билгеләгәндә, керемнәрдән тыш, аларның милек белән тәэмин ителеш дәрәҗәсе дә исәпкә алыначак.
Адреслыкны көчәйтү - мохтаҗ гражданнарга социаль ярдәм чараларын күрсәтү максатларында, 2004 елның 8 декабрендәге 63-ТРЗ номерлы Татарстан Республикасы Законы һәм Татарстан Республикасы Министрлар Кабинетының 2004 елның 14 декабрендәге 542 номерлы карары нигезендә, балага айлык пособие һәм пенсионерларга транспортта йөрү өчен айлык акчалата түләү билгеләгәндә, гражданнар керемнәреннән тыш, 2019 елның 1 апреленнән аларның мөлкәт белән тәэмин ителеш дәрәҗәсе исәпкә алына.
Милкендә яхта, очу аппаратлары, кар чаналары, сәнәгать җитештерүе объектлары, сәүдә объектлары, ике һәм аннан да күбрәк җиңел автомобиль, аларның берсенең чыгару елы 3 елдан артмаган, гаиләнең һәр әгъзасына исәпләгәндә мәйданы 40 кв. метрдан артып киткән фатирлар һәм башкалар булган гаиләләр балага айлык пособие алу хокукына ия булмаячак.
Милек белән тәэмин ителеш дәрәҗәсен исәпкә алуның шундый ук шартлары пенсионерларга транспортта йөрү өчен айлык акчалата түләү билгеләгәндә карала. Шул ук вакытта, гомуми мәйданы 80 квадрат метрдан артмаган фатирга ия ялгыз яшәүче пенсионер юлда йөрү өчен айлык акчалата түләү алу хокукын саклап калачак.
Балага айлык пособие һәм транспортта йөрү өчен айлык акчалата түләү биргәндә исәпкә алына торган мөлкәт төрләренең тулы исемлеге белән Сез Татарстан Республикасы Хезмәт, халыкны эш белән тәэмин итү һәм социаль яклау министрлыгы сайтында таныша аласыз (mtsz.tatarsatan.ru).
Югарыда күрсәтелгән түләүләрне билгеләү яки билгеләүдән баш тарту турында карар смс - хәбәрләр алучыларга яисә Татарстан Республикасы дәүләт һәм муниципаль хезмәтләр Порталында шәхси кабинет аша җиткереләчәк.
Элек билгеләнгән түләүләр файдаланучыларның милек белән тәэмин ителеш дәрәҗәсен исәпкә алмыйча, аларны билгеләү вакыты тәмамланганчы биреләчәк.
Мөлкәти тәэмин ителеш дәрәҗәсен исәпкә алып социаль түләүләр бирү мәсьәләләре буенча консультацияне яшәү урыны буенча Республика матди ярдәм (компенсация түләүләре) үзәге бүлекләрендә ала аласыз:
2-26-34 телефоны буенча