Спортчы балалар яңа автобуста йөриячәк

Автобус ачкычларын Татарстанда 3 миллиард тонна нефть чыгару уңаеннан Әлмәт шәһәрендә оештырылган бәйрәм чарасында тапшырдылар.

Балалар һәм яшүсмерләр хоккей командасын ярышларга йөртү өчен бирелгән автобусның тәүге пассажирлары да балалар булды.

Мондый кыйммәтле һәм кирәкле бүләк озак, имин йөрсен, спортчыларыбызга яңа җиңүләр яуларга ярдәм итсен иде.

Сүз уңаеннан. Бу көнне Зәй, Алабуга һәм Баулы боз сарайлары да шундый бүләккә ия булды.