"Кәмит- Җәвит" тапшыруы
«Кәмит –Җәвит» нең беренче тапшыруы 2017 елның 16 декаберендә тамашачы хозурына тәгъдим ителде. Тапшыру нигезенә борынгы татар традицияләре, гореф –гадәтләре - капка төбендә утырулар салынган. Кагыйдә буларак, мондый утырулар вакытында һәрвакыт , үткен телле яшь кеше аерылып торган. Аның тирә-юненә авылда яшәүче яшьләре җыелган булган .Алар кызыклы тарихлар тыңлаганнар, аның мәзәкләреннән көлеп, төрле такмаклар җырлап, онытылып барган уеннарда катнашканнар. «Кәмит –Җәвит» телепроектының кунаклары-көлке осталары, театр артистлары, язучылар, татар эстрадасы йолдызлары, танылган татарстанлылар. Тамашаның алып баручысы Җәвит Шакиров.
13 май көнне Казан шәһәрендә музыкаль - күңел ачу программасы төшерелде, анда Чирмешән районыннан , сәнгатькә, иҗатка битараф булмаган талантлы һәм тапкырлы кешеләр чыгыш ясады. Катнашучыларны җылы йөз белән каршы алдылар. Чирмешәннән килгән кунаклар да буш кул белән килмәде, катнашучылар традицион татар тәм-томнарын алып бардылар, һәм проектны оештыручыларга истәлекле бүләкләр тапшырдылар. Программа бик күңелле, юмористик һәм иркен шартларда узды. Катнашучылар бик күп уңай хисләр һәм яхшы тәэсирләр белән кайттылар.