Чирмешән районында район башлыгы Рамил Айбатов исеменнән ифтарлар узды
Район башлыгы Чирмешән районының өч мәчетендә ифтарлар оештырды. Үзәк мәчеттә сөйләшү 2023 елның 26 мартында узды, ике йөзгә якын кеше килде. Икенче ифтар Рамил Айбатов 2023 елның 4 апрелендә Бәркәтә авылы мәчетендә оештырды, анда йөздән артык кеше катнашты. Узган атнада, 2023 елның 11 апрелендә, ифтар Мөшбикә мәчетендә узды, анда ике йөздән артык кеше килде.
Ифтарда төрле вазифадагы чирмешәнлеләр һәм якын-тирә районнар кунаклары катнашты. Ифтарлар традицияләр рухында узды һәм югары дәрәҗәдә оештырылды.
Рамил хәзрәт Ибраһимов һәм Хәбир хәзрәт Ханов бу изге айда дини йолаларны үтәүнең мөһимлеген искә төшерделәр. Ахырда район башлыгына хәйриячелек һәм яхшы теләкләр өчен рәхмәт белдерделәр.
Чирмешән районы авыл җирлекләре мәчетләрендә ифтарлар көн саен үткәрелә. Аларның күбесенә Рамил Тәлгать улы үзе катнаша.