Чирмешән районы ветераннарына Рөстәм Миңнеханов исеменнән бүләкләр тапшырдылар

2023 елның 27 апреле, пәнҗешәмбе

Чирмешән муниципаль районында Бөек Ватан сугышы ветераннарын Җиңү көне белән котлый башладылар.

Районның авыл җирлекләре башлыклары укучылар һәм авыл мәдәният йортлары хезмәткәрләре белән берлектә ветераннарга Татарстан Республикасы Рәисеннән котлаулар һәм бүләкләр тапшырдылар.

Ветераннар котлауларны теләп кабул иттеләр, Татарстан Республикасы Рәисенә бүләкләр өчен һәм килгән кешеләргә игътибар өчен рәхмәт белдерделәр.