Чирмешән районында мәктәпкәчә яшьтәге балаларга иртә һөнәри юнәлеш бирү буенча «Яшь оста» муниципаль конкурсы узды
Чирмешәннең «Ландыш» балалар бакчасы базасында мәктәпкәчә яшьтәге балаларны иртә һөнәри юнәлеш бирү буенча «Яшь оста» муниципаль конкурсы узды.
Конкурс сигез компетенция буенча узды: физик культура, спорт һәм фитнес, аш-су һәм кондитерлык эше, чәчтараш сәнгате, сынлы эшчәнлек, ЮХИДИ инспекторы, эколог, кием һәм аксессуарлар дизайны.
Район балалар бакчаларыннан 22 бала катнашты. Конкурс уен, ярыш форматында узды. Катнашучылар өч модуль буенча чыгыш ясады: мәгариф, социаль-коммуникатив һәм практик. Балалар салатлар, сэндвичлар әзерләүдә, кондитерлык эшләнмәләрен бизәүдә ярыштылар, химик анализга туфрак алдылар, прическа ясадылар, рәсемнәр ясадылар, мәктәпкәчә яшьтәге балалар белән иртәнге гимнастика үткәрделәр, флешмоб оештырдылар, юл хәрәкәте кагыйдәләрен искә төшерделәр һ.б. конкурс нәтиҗәләре буенча һәр компетенциядә җиңүчеләр һәм призерлар билгеләнде грамоталар белән бүләкләделәр.