Чирмешән районы экологик икеайлык нәтиҗәләре буенча лидерлар өчлегенә керде

2023 елның 29 мае, дүшәмбе

Казанда санитар-экологик икеайлыкка йомгак ясалды, анда Чирмешән районы беренче тапкыр Татарстан Республикасы муниципаль районнары арасында призлы өченче урынны алды.

Тантаналы бүләкләүдә Татарстан Премьер-министры Алексей Песошин Чирмешән муниципаль районы башлыгы Рамил Айбатовка диплом, символик статуэтка һәм махсус техника алуга сертификат тапшырды.

Бу Чирмешән районында яшәүчеләрнең җиңүе, алар экологик акцияләргә һәм өмәләргә актив кушылдылар.