Атналык киңәшмә
Бүген, 2023 елның 15 июнендә, Чирмешән муниципаль районы башлыгы Рамил Айбатов район учреждениеләре, оешмалары җитәкчеләре һәм авыл җирлекләре башлыклары белән атналык планерка үткәрде.
Киңәшмә Чирмешән районында "Сабантуй" бәйрәмен оештыру һәм үткәрү турында фикер алышудан башланды. Район башлыгы Рамил Айбатов оештыру комитетына, авыл җирлекләре башлыкларына һәм чараны уздыруга әзерләнүдә катнашкан һәркемгә рәхмәт белдерде.
Рамил Тәлгать улы Чирмешән районында кадрлар алмашынуы турында хәбәр итте һәм авыл җирлекләренең яңа җитәкчеләрен тәкъдим итте. Ивашкино авыл җирлеге башлыгы итеп Андреев Федор Петрович, Шешминка авыл җирлеге башлыгы итеп Сидоров Андрей Владимирович билгеләнде.
Мәгълүмат белән чыгыш ясадылар:
1. Районда бер атна эчендәге оператив хәл турында.
Пешков Иван Николаевич - Россия Эчке эшләр министрлыгының Чирмешән районы буенча бүлекчәсе начальнигы урынбасары.
2. Гражданнарны 2023 елның апрель – июлендә хәрби хезмәткә чакыру һәм контракт буенча хезмәт итү үзенчәлекләре.
Иванов Сергей Васильевич - Чирмешән һәм Аксубай районнары буенча хәрби комиссар.
3. Шәхси сектордан сөт җыю һәм тапшыру турында. Районда язгы кыр эшләренең барышы турында.
Гатин Мирзаһит Закир улы - районның авыл хуҗалыгы һәм азык-төлек идарәсе башлыгы.
4. Бюджеттан тыш счетларны тутыру турында мәгълүмат.
Гатин Шәүкәт Фатыйх улы - районның финанс-бюджет палатасы рәисе.
5. 2023 елның II яртыеллыгына язылу компаниясе турында.
Фәтхетдинова Любовь Александровна - Әлмәт районара почта бүлекчәсенең Чирмешән почта эшкәртү участогы җитәкчесе.
6. Район мәдәният учреждениеләре эше турында.
Иляева Наталья Васильевна - район башкарма комитетының мәдәният бүлеге начальнигы.
7. Балалар сәнгать мәктәбе эше турында.
Хитарян Елена Мартиновна - балалар сәнгать мәктәбе директоры.
8. Татарстан Республикасы Чирмешән муниципаль районының «Петр Семенович Курасанов исемендәге 1 нче Чирмешән урта гомуми белем бирү мәктәбе» муниципаль бюджет гомуми белем бирү учреждениесе эше турында.
Юрина Наталья Васильевна - мәктәп директоры вазыйфаларын башкаручы.
9. Шәһәр төзелеше эшчәнлеген тәэмин итүнең дәүләт мәгълүмати системасын алып бару.
Вилданов Муса Габделхак улы -район башкарма комитеты җитәкчесенең беренче урынбасары.
10. Агымдагы елда башкарылган эш һәм гражданнар җыеннарында алынган наказларны үтәү барышы турында.
Митякин Александр Федорович - Түбән Кармалка авыл җирлеге башлыгы.