Чирмешәндә Татарстан Республикасының Архив эше буенча дәүләт комитеты рәисе Гөлнара Закариевна Габдрахманова булды
Татарстан Республикасының Архив эше буенча дәүләт комитеты рәисе Гөлнара Закариевна Габдрахманова танышу визиты белән Чирмешәндә булды.
Очрашу кысаларында семинар узды, анда Чирмешән районы башлыгы Рамил Тәлгать улы Айбатов, шулай ук район предприятиеләре һәм оешмалары җитәкчеләре катнашты.
Гөлнара Закариевна Заманча архив биналары, архив документларын алып бару үзенчәлекләре һәм барлык архивларның төп бурычы - дәүләт, төбәк, район, авыл һәм гаиләнең тарихи мәгълүматларын саклау турында сөйләде.
Архив эше буенча Дәүләт комитеты рәисе урынбасары Гөлнара Фәрит кызы Минҗанова
норматив-хокукый актлар, федераль законнардагы үзгәрешләр турында сөйләде.
Очрашу район архивы итеп үзгәртеп корырга планлаштырылган биналарны карау һәм Чирмешән мемориаль үзәгенә экскурсия белән дәвам итте. Валентина Витальевна Захарова Чирмешән районының күренекле шәхесләре, сугышларда катнашучылар һәм башка бик күп мөһим тарихи вакыйгалар турында сөйләде.
Район башлыгы Рамил Тәлгать улының, ТР Архив эше буенча дәүләт комитеты рәисе Гөлнара Закариевнаның "Эхо в истории семьи - Тарихта без эзлебез" фестивалендә катнашучылар Кәримовлар гаиләсе белән рәсми булмаган очрашуы күңелгә үтеп керерлек мизгел булды.
Файдалы информция һәм актуаль мәгълүмат өчен Гөлнара Зәкәрия кызы Габдрахмановага һәм Гөлнара Фәрит кызы Минҗановага рәхмәт белдерәбез.