"Чирмешән якташлыгы" иҗтимагый оешмасы икенче урын алды
28 августта Татарстан Республикасы Муниципаль берәмлекләр советында 2022 ел йомгаклары буенча иң яхшы якташлык җәмгыятьләрен бүләкләделәр. Чара Татарстан Республикасы якташлыкларының Координация советы утырышы кысаларында узды.
«Татарстан Республикасының иң яхшы якташлыгы» республика конкурсы 2017 елдан бирле үткәрелә. Казан шәһәре буенча гомуми приз фонды 1,5 млн сум, Яр Чаллы шәһәре буенча 500 мең сум тәшкил итә.
Казан шәһәрендә эш алып баручы якташлар арасында беренче урынны Буа якташлыгы, Яр Чаллы шәһәрендә Азнакай якташлыгы алды.
«Чирмешән якташлыгы» иҗтимагый оешмасы мактаулы икенче урынны алды, Диплом һәм 200 мең сум күләмендә акчалата премия белән бүләкләнде.
Чын күңелдән котлыйбыз һәм хөрмәтле Раушания Кыямәтдиновнага рәхмәтебезне белдерәбез! Сезнең хезмәтегез беркайчан да игътибарсыз калмасын һәм киләчәк буыннар өчен мәдәни мирасны сакларга мөмкинлек бирсен!
Шулай ук Чирмешән районы башкарма комитетының мәдәният бүлеге башлыгы Иляева Наталья Васильевнага, район мәдәният йорты, авыл клублары җитәкчеләренә һәм хезмәткәрләренә, районның барлык иҗат коллективлары җитәкчеләренә һәм катнашучыларына куйган хезмәтләре, тырышлыклары өчен рәхмәтебезне белдерәбез. Эштәге сыйфаты һәм җаваплылыгы, күрсәткән таланты өчен рәхмәт. Сезгә яңа иҗади уңышлар!