«Гипстан магнитлар» темасына Пушкин картасы буенча чара

2025 елның 18 феврале, сишәмбе

Ватанны саклаучылар елы кысаларында һәм Ватанны саклаучылар көне алдыннан  туган як тарихы музее хезмәткәрләре Яңа Элмәле урта гомуми белем бирү мәктәбе укучылары белән Пушкин картасы буенча чара уздырдылар.

«Гипстан магнитлар» темасына мастер-классы барышында балалар якыннарына бүләкләр әзерләделәр. Беркемгә дә сер түгел, үз куллары белән ясалган эш аны әзерләүченең җылылыгы һәм мәхәббәте белән тулы. Мондый эшләр  якын кешеңә бик кадерле бүләк була.