Баляев Иван Константинович

Мемориаль үзәктә чирмешәнле Баляев Иван Константиновичның фидакарь хезмәте өчен лаек булган бүләкләреннән күргәзмә ачылды. Иван Константинович 1929 елның 28 гыйнварында дөньяга килә. 50 ел "Красный Октябрь" колхозында механизатор булып эшли. Шуның 37 елын колхозның комплекслы трактор бригадасын җитәкләүгә багышлый. Социалистик хезмәт ярышлары нәтиҗәләре буенча ул 1984 елда "Иң яхшы механизатор" исеменә лаек була. 1963 елда Татарстан АССРның Югары Советына депутат итеп сайлана, Хезмәт Кызыл Байрагы ордены һәм "Мактау билгесе" белән бүләкләнә. Авыл хуҗалыгын механикалаштырудагы уңышлары өчен Татарстан АССР Югары Советы Президиумы Указы белән 1975 елның 15 августында "ТАССР авыл хуҗалыгының атказанган механизаторы" дигән мактаулы исемгә лаек була. 1967 һәм 1974 елларда аның фотосурәте район Мактау тактасында урын ала.