Чирмешән муниципаль районы

Өстенлек Мәктәбе кысаларында Сингапур методикасы буенча тренинг

2014 елның 14 феврале, җомга

2014 елның гыйнварында Татарстан Республикасында Өстенлек Мәктәбен оештыру программасы гамәлгә керде. Өстенлек Мәктәбен оештыруның төп бурычы белем бирү оешмаларын аерым юнәлешләр буенча укыту:

- кооператив укыту;

- критик фикерләү;

- ми эшчәнлеген активлаштыруга юнәлдерелгән укыту;

- проблемалы-ориентирлы укыту;

- баетылган укыту программасы.

Безнең районда Өстенлек Мәктәбе итеп 1 нче Чирмешән мәктәбе сайланды. Әлеге белем йортының директоры В.А.Плотников 18-22 гыйнварда мәктәп эшчәнлеген оештыру проблемалары буенча укуларда булып кайтты.

13 февральдә Educare фирмасы вәкиле мистер Праго мәктәптә проблемалы-ориентилы укыту юнәлеше буенча һөнәри үсеш тренингы үткәрде.

2014-2015 елларда Өстенлек Мәктәбе үз уңышларын дәлилләргә һәм алдынгы тәҗрибәне Татарстан Республикасының башка районнары белән дә уртаклашырга тиеш була.

Мондый типтагы белем бирү учреждениеләре XXI гасыр укучыларына заманча белем бирү максатында башка төрле инновацион программалар һәм яңалыклар да үзләштерәчәкләр. Даими камилләшү процессы кысаларында Өстенлекле Мәктәп башкаларга да үрнәк булырга тиеш.

БАРЛЫК ЯҢАЛЫКЛАРНЫ УКУ