Финанслашу программасы: 2013 ел кертемнәр күләме буенча рекорд куйды

Гамәлдәге законнар нормалары буенча 2014 елның маена кадәр Программада ирекле катнашучыларның кертемнәре, ул ике мең сум яки күбрәк булган очракта, дәүләт тарафыннан да финанслана. Бу максатларга 2014 елга да Россия Пенсия фонды бюджетында тиешле күләмдә акчалар каралган.

"Биш ел гамәлдә булган әлеге Программада 580 мең граждан, ягъни республика халкының 15,3 проценты катнаша. Программага керүнең соңгы көнендә - 2013 елның 30 сентябрендә нәкъ шулкадәр кеше теркәлгән. Әлеге Программада катнашучы республика кешеләре булачак пенсияләре хисабына барлыгы 1,3 миллиард сум акча керткәннәр", - ди РФ Пенсия фондының Татарстан Республикасы буенча бүлекчәсе управляющие Марсель Имамов.

Программада катнашучылар өчен финанслашу программасы 2014 елда да дәвам итә. Пенсиянең тупланма өлешенә ел саен ике мең сум яки күбрәк акча кертүчеләр беренче кертемнән соң 10 ел дәүләт финанслашуына өметләнә ала. Нинди дә булса сәбәпләр аркасында бер елда акча кертә алмагансыз икән, икенче елны бу эшне яңарту мөмкинлеге бар. 2009-2013 елларда Программада катнаша алмаучылар бу эшне 2014 елдан башлап җибәрә алалар. 

Дәүләт финанслашуы Программасы турында тулырак мәгълүматлар белән түбәндәге сайтта танышырга мөмкин www.pfrf.ru яки Консультацияләр үзәгенә шалтыратырга кирәк: 8 800 510-55-55 (тәүлек буе, Россия буенча шалтырату бушлай).