Атналык киңәшмә
Бүген, 2016 елның 28 мартында район башкарма комитеты җитәкчесе Әкъдәс Шакиров оешма, предприяте җитәкчеләре hәм авыл җирлекләре башлыклары белән атналык киңәшмәне үткәрде.
Киңәшмә бүләкләүләрдән башланып китте. "Чирмешән май-сыр заводы" җаваплылыгы чикләнгән җәмгыяте технологы - Вера Александровна Зайцева күпьеллык нәтиҗәле хезмәте хезмәте өчен ТР Авыл хуҗалыгы һәм азык-төлек Министрлыгының Мактау грамотасы һәм районның социаль-иктисади үсешенә лаклы өлешкерткәне өчен район башлыгының Мактау грамотасы белән бүләкләнде.
Чирмешән мәчетенең имамы Хабир хәзрәт Хановка район башлыгының Рәхмәт хаты тапшырылды. Хабир хәзрәт Чирмешән мәчетендә 4 ел эшләде, хәзер башка җиргә эшкә китә.
Киңәшмәдә катнашучыларны райондагы оператив хәл белән, спорт өлкәсендәге яңалыклар, салым җыю, торак коммуналь хуҗалыгына булган бурычлар, шәхси хуҗалыклардан сөт җыю торышы белән таныштырдылар.